Starbucks ka vendosur të punësojë 2,500 refugjatë në Europë

A Starbucks logo is seen at a Starbucks coffee shop in Vienna, Austria, December 27, 2016. REUTERS/Leonhard Foeger

22:29 | 20 Qershor 2017
Trina Galanxhi

Kompania amerikanë Starbucks ka deklaruar se do të punësojë 2,500 refugjatë në Europë, si pjesë e një plani më të gjërë të punësimit në mbarë botën.

Në deklaratë thuhet se refugjatët do të punësohen në dyqanet e saj në Europë, duke filluar nga tetë vende gjatë pesë viteve të ardhshme, ndërsa tani për tani ka filluar rekrutimi, transmeton portali arbresh.info

Plani për punësimin e refugjatëve u bë i ditur në janar, ndërsa më pas kompania u përball me një protestë në mediat sociale, ku u bë thirrje që të bojkotoheshin dyqanet e saj.

Stabucks këtë iniciativë do ta fillojë në Britani, Francë, Austri, Zvicër, Spanjë, Portugali, Gjermani dhe Hollandë.

Refugjatët do të përfaqësojnë rreth 8 për qind të më shumë se 30,000 njerëzve aktualisht të punësuar nga Starbucks në Europë.

Në BE prej vitit 2014 kanë hyrë rreth 1.7 milionë refugjatë dhe emigrantë./Arbresh.info